इलाका प्रशासन कार्यालयद्वारा घरदैलोमै पुगेर नागरिकता वितरण

4 दिन अगाडी

2083-01-11

दोलखा, [२०८३-०१-०९]

इलाका प्रशासन कार्यालयले आफ्नो सेवालाई नागरिकको घरदैलोसम्म पुर्‍याउने अभियान अन्तर्गत आज एक शारीरिक रूपमा अशक्त नागरिकलाई घरमै पुगेर नागरिकता प्रदान गरेको छ।

दोलखा जिल्लाको गौरीशंकर गाउँपालिका वडा नं. ५ निवासी श्री चन्द्रकला तामाङ लामो समयदेखि शारीरिक रूपमा अशक्त भई हिँडडुल गर्न नसक्ने अवस्थामा हुनुहुन्थ्यो। कार्यालयसम्म उपस्थित भएर नागरिकता लिन असमर्थ उहाँको अवस्थालाई दृष्टिगत गर्दै प्रशासनले विशेष पहल गरेको हो।

इलाका प्रशासन कार्यालयका प्रमुख श्री भरत कुमार दाश, कम्प्युटर अपरेटर श्री ईश्वर आचार्य र सहयोगी कर्मचारी हिमा श्रेष्ठसहितको टोली उहाँकै निवासमा पुगी आवश्यक प्रक्रिया पुरा गरी नागरिकता हस्तान्तरण गरेको छ। बेडमै रहनुभएकी तामाङको नागरिकता उहाँका श्रीमानलाई हस्तान्तरण गरिएको हो।

नागरिकता प्राप्त गरेपछि तामाङ परिवारले राज्यको उपस्थिति र सेवा घरमै पाउँदा खुसी व्यक्त गरेका छन्। कार्यालय प्रमुख दाशका अनुसार, "नागरिकलाई राज्यको सेवाबाट वञ्चित हुन नदिन र विशेष गरी अशक्त, वृद्धवृद्धा तथा असहाय नागरिकका लागि कार्यालयले यस्ता मानवीय र जनमुखी कार्यलाई प्राथमिकता दिँदै आएको छ।"

सरकारी सेवालाई सरल, सहज र पहुँचयोग्य बनाउने उद्देश्यले प्रशासनले समय-समयमा यस्ता सेवा तथा घरदैलो सेवाहरू सञ्चालन गर्दै आएको छ।

समाचार

11
बैशाख

इलाका प्रशासन कार्यालयद्वारा घरदैलोमै पुगेर नागरिकता वितरण
4 दिन अगाडी

सबै हेर्नुहोस

नेपाल सरकार

जिल्ला प्रशासन कार्यालय, दोलखा

इलाका प्रशासन कार्यालय , सिंगटीबजार, दोलखा

नेपाल सरकार

जिल्ला प्रशासन कार्यालय, दोलखा

इलाका प्रशासन कार्यालय , सिंगटीबजार, दोलखा

इलाका प्रशासन कार्यालयद्वारा घरदैलोमै पुगेर नागरिकता वितरण

समाचार